रसुवा, असार २८ – रसुवाबाट एक वर्षमा नौ सय भन्दा बढिले राहदानी बनाएका छन् । आर्थिक वर्ष २०७३/७४ मा जिल्लाका नौ सय ४४ जनाले राहदानी बनाएका हुन ।
२०७३ साउनदेखि असार २८ गतेसम्म सो संख्यामा राहदानी बनेको हो । जिल्ला प्रशासन कार्यालय रसुवाका अनुसार एक वर्षमा तीन सय ८४ जनाले कार्यालयबाट नै राहदानी बनाएका छन् । त्यसगरी पाँच सय ६० जनाको काठमाडाै सिफारिस भएको छ ।
गत वर्षको तुलनामा यो वर्ष राहदानी बनाउनेको संख्या भने बढेको छ । गत वर्ष कार्यालयबाट आठ सय ४४ जनाले राहदानी बनाएका थिए । रसुवाबाट विशेषगरी खाडी देश कुवेत, साउदी अरेबीया, मलेसियालगायतका देशमा जाने गरेका छन् ।
आव ०६८/६९ मा दुई सय ६३, ०६९/७० मा आठ सय ९४, ०७०/७१ मा एक हजार ८८, ०७१/७२ मा एक हजार एक सय, ०७२/०७३ मा आठ सय ४४ र २०७३/७४ मा ९ सय ४४ जनाले गरी पाँच हजार एक सय ३३ जनाले राहदानी बनाएका जिल्ला प्रशासन कार्यालयको तथ्यांक छ ।
कम उमेरमा नागरिकता बनाएर राहदानी बनाउने गरेको गुनासो बढेसँगै कार्यालयले आवश्यक सोधपुछ गरेर मात्र राहदानी दिने गरेको छ । ग्रामीण समुदायमा बस्ने अशिक्षित तथा कम पढेका महिलाहरु आफू जाने देशको बारेमा सामान्य जानकारी समेत नलिई जाने गरेकाले कार्यालयबाट राहदानी बनाउन आउनेलाई आवश्यक जानकारी समेत दिने गरेको छ ।
सहायक प्रमुख जिल्ला अधिकारी स्मीता पौडेलका अनुसार धेरैजसो महिलाहरु आफन्तले बोलाएको भन्दै राहदानी बनाउन आउने गरेका छन् ।
No comments:
Post a Comment